छंदक फांद तोड़ि ताड़ि
लीख रहल छी कविता आइ ।
नहि जानै छी रचब हम
दोहा, सोरठा आर चौपाई ।।
मनक भाव उकेर रहल छी
बिनु शब्दक मात्रा गनने आइ ।
कहथि कविता कवि सँ--
हम बनी जन-जनक कंठक बाणी
करु एहन कोनो उपाई ।।

सुख शान्ति

ताकि रहल छी ओ
जे भेंट रहल अछि नहि ।
जे अछि राखल सम्मुख
तेकर कोनो कद्रे नहि ।।
वन-वन भटैक
रहल अछि मन ।
हेर रहल अछि
सुख शान्तिक क्षण ।।
जँ ठहैर एक पहर
झाँकब अपन अन्तरमन ।
ह्रदयमे बैसल भेटती शान्ति
भ जाएत सुखमय जीवन ।।
:गणेश मैथिल
गुवाहाटी

मुफ्तखोरी

जनसंख्या नियंत्रण कोना हेतै
जखन मंगनी मे सरकारी अनाज भेटतै ??
काज करबाक कोन काज
जखन राज्य मे छै मुफ्तखोरी राज ??
के चाहत बीपीएल सँ उपर उठी
बिनु काज सरकारी खजाना लूटी ??
आब जनसंख्या बढाब' मे कोन दोष
जखन खुलल छै मीड डे भोज ??
द क माइरतै भत्ते-भत्ता
नेता हथिआबै अपन सत्ता !!
देशक जनता खुश
मंगनीक चाउर मे
भलेही देशक भविष्य
जाउक चुल्हाक अंगोर मे !!
ठीके कहल गेल छै---
" धोतीवाला देहचीर कमाउक
लूंगीवाला बैसल बैसल खाउक !!"
:गणेश मैथिल
गुवाहाटी

"डेग-डेग चलैथ मैथिल
करैत संङगोर सभ जना,
किछु-किछु जँ सब करबै
हेतै काज महान जेना,
चहूँ दिश पसरत लालीमा
चमकत मैथिल सूर्य जेना ।। "

मैथिलि भाई - बंधू ध्यान देव

.

"मैथिल मंच " सँ जुड़य लेल आ सतत समर्थन लेल धन्यवाद ।

"मैथिल मंच" पुन: एहि बेर एकटा नव प्रयास प्रारंभ कय रहल अछि जहिमें हमसब समस्त मैथिलजन सँ सम्पर्क कय हुनका सबसँ किछु आग्रह करब जेना कि :
.
1. एक दोसर सँ यथासंभव सदैव मैथिली भाषा में बात करी । .

2. समस्त मैथिल संस्था सँ अनुरोध जे अपन संस्थाक लोगो आ कार्यक्रम में बेसी सँ बेसी मिथिला पेंटिंग के प्रयोग करी आ  गूगल सँ मिथिला पेंटिंग फ्री में नहि लय कोनो ने कोनो कलाकार सँ बनबाबी आ कलाकार के यथासंभव आर्थिक मदद आ उचित सम्मान करी ।

"मिथिला पेंटिंग" सँ जुड़ल कोनो मदद लेल "मैथिल मंच" सदैव मदद लेल तत्पर अछि । कोनो तरहक आवश्यकता पर manchmaithil@gmail.com पर मेल वा 9871687391 पर सम्पर्क कय सकय छी।

.

3. "मैथिल मंच" के सदस्य सबसँ आग्रह जे कम सँ कम एकटा वस्त्र मिथिला पेंटिंग सँ बनल जरुर खरीदी ताकि कलाकार के  मंच के तरफ सँ मदद भय सकय। समस्त मैथिल संस्था सँ सेहो अनुरोध जे मंच के अनुसरण करी एहि कार्यक्रम में। मिथिला पेंटिंग सँ बनल टी-शर्ट, कुर्ता, साड़ी, दुपट्टा, कुर्ती आ अनेको समान हमसब उपलब्ध करा सकय छी। उपलब्धता हेतु manchmaithil@gmail.com या 9871687391 पर Whatsapp कय सकय छी ।

.

4. समस्त मैथिलजन सँ आग्रह जे एकटा पाग आ एकटा मिथिला पेटिंग अपन-अपन घर में जरुर राखी आ दोसर के सेहो प्रेरित करी । "मैथिल मंच" हर तरह के आ हर कीमत के मिथिला पेंटिंग आहां तक पहुंचाबय लेल प्रतिबद्ध अछि । 

.5. मैथिलजन जे सब इंटरमीडिएट पास कय कोनो ने कोनो कारणबस पढ़ाई छोड़ि अपन रोजगार में लागि गयलौ वा आगा  नहि पढ़ि सकलौ, हुनका सब लेल "मैथिल मंच", मैथिली भाषा लय स्नातक तक के सुगम पढाई के व्यवस्था लेल प्रतिबद्ध अछि । मंच के मार्गदर्शकगण एहि प्रयास के नीक समर्थन कय थहल छथि आ इच्छुक सदस्य के लेल सब तरहक मदद लेल तैयार छथि। सदस्यगण सँ आग्रह जे आगा बढ़ू आ अपन आसपास के भाई-बहिन के सेहो प्रेरित करी ।

6. "मैथिल मंच", मैथिली साहित्य सँ जुड़ल एकटा प्रयास करय जा रहल अछि जहि में मंच आगा सँ मिथिला पेंटिंग के साथे "मैथिली साहित्य" के प्रदर्शनी सेहो लगायत आ सतत प्रयासरत रहत अपन साहित्य लेल किछु ने किछु नव प्रयास करी। इच्छुक गण मैथिल मंच स सम्पर्क कय सकय छी अपन पुस्तक प्रदर्शनी में जोड़य लेल।

.

"मैथिल मंच" के आगा बढ़ाबय लेल आहांसबके सुझाव आपेक्षित अछि । हर तरहक सुझाव लेल manachmaithil@gmail.com पर मेल कय सकय छी वा 9871687391 पर Whatsapp पर मैसेज कय सकय छी वा www.maithilmanch.com   साईट पर जा कय Contact Us में जा क अपन विचार दय सकय छी। आहां सबहक विचार हमरासब लेल बहुत महत्वपूर्ण अछि । 

.जय मिथिला

जय जय मैथिल

www.maithilmanch.com