"की बेटी भेनाइ छै अपराध "
पुइछ रहल अछि आइ बेटी इ सवाल
की बेटी भेनाइ छै अपराध ??
किया बेटी के जीवन भेल बेकार
किया बेटी के जन्म लेनाइ भेल पहाड़
की बेटी भेनाइ छै अपराध ??
ज बेटा जन्मे घर मे
बाँटैत छी भइर गाम मिठाई
ज बेटी जन्मैया
त किया पिटैत छी माथ-कपाड़
की बेटी भेनाइ छै अपराध ??
घर मे त भगवती पुजैत छी
देवी पूजा पाठ करैत छी
त फेर किया बेटी संग दुर्यव्यवहार
की बेटी भेनाइ छै अपराध ??
आई दहेजक लोभ मे
समस्त समाज भेल छै ग्रस्त
आर किछु त प्रगति नहि भेल
बेटी सभ लेल भेल कष्ट
की बेटी भेनाइ छै अपराध ??
की बेटी भेनाइ छै अपराध ??
:कंचन कुमारी झा :
