सोमवार, 23 जनवरी 2012

GEET

कहै छलिएहि आएब -आएब,
किएअक नै एलिएहि यौ ..?
छोडि हमरा असगर
कोना बिसैर गेलिएहियौ ...??
कहै ...........यौ ....?
दिन -दुपहरिया , साँझ- पराते
निशदिन हम बाट जोहैत छी
कहै ..........यौ...........?
अपन मनक व्यथा ककरा कहबई
हमर बतिया के पतिएतहि ..... ?
कहै ............यौ..........?
सावन बितल, भादव बितल
मुदा हमर नैना एखनौ भींजल
कहै ............यौ........?
पुषक जाड़ सेहो बितल
बितल फागुनक सर्द बसंत
कहै ..........यौ .........?
आम मजैर क टिकुला भ गेल
ज्येष्ठ में पाइक खसअ लागल
कहै ........यौ...........?
सब ऋतू बीत घुरी फेर आएल
मुदा आहाँ नै घुरी फेर एलहूँयौ
कहै ............यौ........?
:गणेश कुमार झा "बावरा"
गुवाहाटी

कोई टिप्पणी नहीं: